Almanya bû sêyemîn aboriya mezin a cîhanê

PeyamaKurd - Aboriya Almanyayê ku par ji sedî 1,9 mezin bûbû, îsal bêtir mezin bû û bû sêyemîn aboriya herî mezin a cîhanê.

Piştî ku bi awayekî neçaverêkirî aboriya Japonyayê di çaryeka paşîn a sala borî de daxwaza navxweyî kêm bû, Japonyayê pozîsyona xwe ya sêyemîn aboriya herî mezin a cîhanê ji Almanyayê re hişt û kete pêvajoya paşveketinê.

Li gorî daneyên fermî yên Ofîsa Kabîneya Japonyayê, hilberîna navxweyî ya Japonyayê di 2023an de gihîşte 4.2 trîlyon dolarî û ya Almanyayê jî gihîşte 4.5 trîlyon dolarî.

Pêşbînî mezinbûn bû lê encam paşveçûn bû

Pêşbînî ew bû ku aboriya Japonyayê di heyama navborî de salane ji sedî 1,4 mezin bibe. Di heyama Tîrmeh-Îlona 2023an de GDPya Japonyayê, piştî ku li ser bingeha salane hate nûvekirinji aboriya vî welatî jisedî 3,3 kêm bû û ji ber vê yekê, dema ku aboriya Japonya ji hêla teknîkî ve ket resensiyonê, gumanên di derbarê derketina Banka Navendî ya Japonyayê (BOJ) ji polîtîkaya pareyî ya pir-lewaz a ku ev deh sal in dimeşîne jî zêdetir bû.

Almanyayê cihê Japonyayê girt

Dema ku aboriya Japonî kete resesyonê û aboriya Almanyayê xwe mezin kir, di rêza cîhanî de cihê Japonyayê girt û bû 3yemîn mezintir aboriya cîhanê.

Aboriya herî mezin a cîhanê ya Dewletên Yekbûyî yên Amerîkayê (DYA) ye û li dû wê Çîn tê.

Tevî rikberiya tûj a di navbera Almanya û Japonyayê de jî, eger ew e ku ku Hindistan di nav çend salên pêş de bibe sêyemîn aboriya herî mezin a cîhanê.