Berdevkê HDPê Kubilay serdana Mesrûr Barzanî bo Tirkiyê nirxand

PeyamKurd - Partiya Demokratîk a Gelan HDP serdana Mesrûr Barzanî bo Tirkiyê bi girîngî dinirxîne û ji bo çareserkirina pirsgirêkan bi riya dîplomasî û danûstandinê girîng dibînin. 

Berdevkê HDPê Gunay Kubilay di derbarê serdana Serokê Hikûmeta Herêma Kurdistanê Mesrûr Barzanî bo Tirkiyê û danûstandinên wî yên ligel Serokomarê Tirkiyê Recep Tayyip Erdogan û Wezîrê Derve yê Tirkiyê Mevlut Çavuşoglu re, li Enqerê di civîneke rojnamevaniyê de ragihand, ku w ji bo çareserkirina pirsgirêkan bi riya dîplomasî û danûstandinê girîng dibînin.

'Em hêvî dikin serdana Mesrûr Barzanî bibe sedema bidawîbûna şerê li Sûriyê û siyaseteke aştîxwaz'

Berdevkê HDPê Gunay Kûbîlay got aşitî û demokrasiya Rojhilata Navîn, aramanca me ya siyasî ye. Lewma em ji bo çareserkirina pirsgirêkan hemû danûstandin û rêyên dîplomasiyê girîng dibinin:

 “Ji ber vê yekê em serdana Mesrûr Barzanî di asta rexnekirinê de nabînin. Lê em hêvî dikin serdana Mesrûr Barzanî bibe sedema bidawîbûna şerê li Sûriyê û siyaseteke aştîxwaz. Em hêvî dikin ev serdan ji bo azadî û aştiya xelkên Sûriyê û bakurê Sûriyê ku bikaribin çarenûsa xwe bi azadî diyar diyar bikin, bibe pêngavek. Em hêvî dikin ev serdan di vê çarçoveyê de pêk hatibe.”