Bi besdariya Serok Barzanî Pêsangeha Pirtûkan a Hewlêrê vebû

PeyamaKurd - Serok Barzanî îro çarşemê (03.04.2019) beşdarî vekirina Çardemîn Pêşangeha Navdewletî ya Pirtûkan li Hewlêrê bû.

Serok Barzanî beşdarî Pêşangeha Pirtûkan a Hewlêrê bû û serdana dezgehên weşangerîyê ku li fuarê  stand  vekirine kir.

Di merasîmê de siyasetmedar Eyad Ellawî, Serokê Dezgeha Meda ya Iraqê Fexredîn Kerîm, Wezîrê Perwerdehiyê yê Herêma Kurdistanê Piştîwan Sadiq û Parêzgarê Rewa yê Kerkûkê Necmedîn Kerîm û hejmarek rayedar û kesayetên din jî amade bûn.

Serok Barzanî di merasîmê vekirina pêşangehê de gotarek pêşkêş kir û bal kişande ser girîngiya pirtûkan û pirtûkxwendinê.  Serok Barzanî, “her çiqasî teknolojî bi pêş bikeve jî, pirtûk dê her hevrêyê herî baş ê mirov bimîne, ew rêya me ronî dike û şaristaniyê bi pêş dixe.”

Hêjayî gotinê ye ku ji 21 welatan 300 dezgehên erebî û 40 dezgehên kurdî beşdarî pêşangehê dibin. Rojane hejmarek çalakî jî dihênbirêve diçin û 100 rewşenbîrên navxweyî û derveyî welêt tê de beşdar dibin.

Pêşangeha ku bi hezaran kes beşdarî dibin, wê heta 13ê nîsanê vekirî be.