Biden: Divê artêsa Îsraîlê qanûnên ser bi cih bîne

PeyamaKurd – Serokê Amerîkayê Joe Biden dema ku bi Serokwezîrê Îsraîlê Benjamin Netanyahu û rêberê ruhanî yê Katolîk û Serokê Vatîkanê Papa Francis re behsa geşedanên dawî yên şerê Îsraîl û Hamasê dikir, ji Netanyahu xwest ku li gorî qanûna şer tevbigere.

Qesra Spî daxuyaniyek da û diyar kir, Biden bi Papa û Netanyahu re bi telefonê axivî.

Di hevdîtina Biden û Papa de hat destnîşankirin, "Ew êrîşa hovane ya Hamasê ya li ser sivîlên Îsraîlê şermezar dikin û bal kişandin ser pêwîstiya parastina sivîlên li Gazzeyê." Di daxuyaniyê de hat ragihandin, her du serok li ser wê yekê li hev kirine ku pêşî li zêdebûna rageşiya li herêmê bê girtin û ji bo aştiyeke mayînde ya li Rojhilata Navîn bixebitin.

Biden di hevdîtina xwe ya bi Netanyahu re diyar kir, "ew pêşwaziya her du karwanên alîkariyê yên însanî yên ji bo Filistîniyên ku li Gazzeyê hewcedar in" kir û her du lîderan destnîşan kirin ku alîkariyên mirovî yên ji bo Gazzeyê wê bidomin.

Di daxuyaniyê de hat eşkerekirin, Biden spasiya xwe ji bo piştgiriya Îsraîlê ya ji bo serbestberdana 2 welatiyên Amerîkayê yên rehîn nîşan da û wiha hat gotin: "Biden û Netanyahu li hev kirin ku hemû rehînên di destê Hamasê de yên ku di nav wan de hemwelatiyên Amerîkî jî hene û yên dixwazin ji Gazzeyê derkevin. Wî got, "hewldanên berdewam ji bo ewlekirina derbasbûna ewle ya welatiyên Amerîkî û sivîlên din."

Ji aliyê din ve di parvekirina xwe ya li ser platforma medyaya civakî Xê de, di derbarê hevdîtina xwe ya bi Netanyahu re got, wan li ser "Divê Îsraîl li gorî qanûna şer tevbigere ku tê wateya parastina herî baş a sivîlan" axivîne.