Brîtanyayê pakêta herî mezin a sizayên ser Rûsyayê ragihand

PeyamaKurd – Wezareta Derve ya Brîtanyayê, pakêta herî mezin a sizayên ser Rûsyayê eşkere kir.

Di pakêta dorpêçan da 67 kesayet, sazî û 40 keştiyên rûsî cî digrin.

Brîtanyayê pakêta dorpêçên ser Rûsyayê di sêyemîn salvegera êrîşên dagirkirina Ukraynayê yên artêşa Rûsî de ragihand ku bêhtir lojîstîka leşkerî û bazirganiya petrolê li xwe digre.

Hate diyarkirin ku cezayên hatine sepandin di nav 6 mehan de zêdetirî 5 milyar dolar bazirganiya petrolê û 40 keştiyan tevî 67 kesayetan vedihewîne.

Wezîrê Derve yê Brîtanyayê David Lammy, da zanîn ku pakêta cezayan pabendbûn û piştevaniya bo Ukraynayê nîşan dide û dê bi vî awayî Ukrayna bihêztir bibe û aştiya mayînde jî tenê bi vî awayî dikare pêk were.