Çapemeniya cîhanê: Îsraîlê bi balafiran êrîsî Lubnan û Gazzeyê kirin

PeyamaKurd – Arteşa Îsraîle bi şev jî erîşa asmanî ya li ser Gazzeye û Libnanê berdewam kir.

Serokwezîrê Îsraîlê Benjamin Netanyahu di danê êvarê de got, ew ê bersiveke tund bidin rokêtên ku ji ber bersivdayîna hêzên ewlehiyê yên Îsraîlê vê hefteyê du caran êrîşî Mescida Eqsayê kirin.

Li Gazzeyê bi şev dengên gelek teqînan hatin bihîstin û ajansa nûçeyan a AFPê ragihand, gelek navendên perwerdehiyê yên Hamasê hatine xistin.

Reutersê ragihand, li Îsraîlê li nêzî Şerîda Gazzeyê dengê sîrenan hatiye bihîstin.

Serê sibê, artêşa Îsraîlî ragihand, li başûrê Lubnanê li hedefên Hemasê xistine, niştecihên nêzîkî Kampa Penaberan a Raşîdiye ragihandin, dengê sê teqînan hatine bihîstin.

Artêşa Îsraîlê eşkere kir, di nava rojê de 34 rokêt ji başûrê Lubnanê ber bi bakurê Îsraîlê ve hatine avêtin û rêxistina Fîlîstînî ya Hemasê ji êrîşan berpirsyar girt.

Leşkerê Îsraîlî got, piraniya roketan hatin desteserkirin, lê 6 ji wan li ser xaka Îsraîlê ketin û ziyan gihîşt avahiyan.

Li gor agahîyên ku hatine wergirtin kesek ji ber teqîna mayînan bi sivikî birîndar bû.

Hamasê got, ew nizane kê moşek avêtine.

Rageşiya li herêmê zêde bû piştî ku hêzên ewlehiyê yên Îsraîlê 2 roj li pey hev êrîşî Mescida Eqsa ya Qudsê ku sêyemîn cihê herî pîroz ê Îslamê ye, zêde bû.

Artêşa Îsraîlî da zanîn, êrîşa bi rokêtê ya herî mezin bû ji Şerê Îsraîl û Lubnanê ya sala 2006an vir ve.

Di nava rojê de ji Gazzeya ku di bin kontrola Hamasê de ye 25 roket avêtin Îsraîlê.

Artêşa Îsraîlê eşkere nekir ku 6 roketên ku li axa Îsraîlê ketine li ku ketine. Lê wêne zirarê li gelek avahiyan eşkere dikin, di nav de bankek li bajarokê sînorî yê Şlomî û otombîlek li gundê Fassuta.

Şahidekî bûyerê got: “Me dengê teqîn û sîrenan bihîst. Roketek li banê maşîna ku di ber mala min re derbas dibû ket, lê roket neteqiya. "Dema ez li dû otomobîlê çûm, min kesek birîndar dît."

Berdevkê artêşa Îsraîlî Albay Richard Hecht destnîşan kir, ew di wê baweriyê de ne ku Hamas li pişt êrîşê ye û dibe ku "Cîhada Îslamî" jî hebe.

Hecht got, wan guman kir ku koma Hizbullah a Lubnanî ku di sala 2006an de şerekî mehekê bi Îsraîlê re kir, ji êrîşê haydar bû û guman kir, Îran jî tê de hebe. (Çavkanî: BBC)