Daxuyaniya HSDê ya li ser "Operasyona Birûska Cizîrê"

PeyamaKurd – Hêzên Sûriyeya Demokratîk (HSD) ragihand, di çarçoveya Operasyona Birûska Cizîrê ya li dijî rêxistina terorîst a DAIŞê de li gundê Hettîn ê bakurê Reqayê, serkirdeyekî berê yê DAIŞê hatiye girtin.

Hêzên Sûriyeya Demokratîk derbarê operasyonê de daxuyaniyek belav kir.

Di daxuyaniya navborî de hat gotin, serkirdeyê berê yê DAIŞê ku hatiye girtin, karmendê darayî yê Dêrezorê ye û ev tişt hatin gotin:

“Hêzên me bi piştevaniya asmanî ya koalîsyonê avêtin ser sitargeha terorîstan, gumanbar girtin û dest danîn ser belge û belgeyên girêdana wî bi şanên çalak û razayî yên DAIŞê li herêmê.

Terorîstê desteserkirî serkirdeyekî berê yê DAIŞê bû û berpirsê navenda bi navê Beyt el-mal (navenda darayî) li herêma Dêrezorê bû.

Operasyonên me yên HSDê û hêzên Koalîsyona Navdewletî ya li herêmê ji bo têkbirina mayînde ya DAIŞê û misogerkirina ewlekarî û aramiyê li bakurê rojhilatê Sûriyeyê berdewam dikin.”