Daxwaza Îsraîlê ji Lubnanê: Terorîstan ji holê rakin

PeyamaKurd – Îro, Îsraîlê bang li hikûmeta Lubnanê kir ku pêşî li êrîşên ji ser axa wê bigire, piştî ku êrîşeke asmanî bir ser Bêrûda paytexta Lubnanê ku endamê payebilind ê Hizbullahê Hesen Bedr kir armanc û hat kuştin.

Piştî êrîşê, Wezîrê Derve yê Îsraîlê Gideon Sa’ar îdia kir ku Bedr “Bi hemahengiya Hêza Quds a Îranê re tevdigeriya û di plansazkirina êrîşekê de li dijî sivîlên Îsraîlî alîkariya Hemasê dikir.”

Di berdewamê de da zanîn: 

“Em li bendê ne ku Lubnan ji bo jiholêrakirina rêxistinên terorîst ên ku di nav sînorên wê de li dijî Îsraîlê êrîşan pêk tînin, tevbigere.”