Dema eskerekirina encamên destpêkî yên serjimêriyê diyar bû

PeyamaKurd – Serjimêriya Giştî ya Iraq û Herêma Kurdistanê îro 20ê Mijdarê dest pê kir ku dê nifûsa giştî ya Iraqê û parêzgehan diyar bibe. Pêvajoya serjimêriyê jî sibe Pêncşemê li demjimêr 00:00ê şevê bidawî dibe.

Berdevkê Sekreteriya Encûmena Wezîran a Iraqê derbarê ragihandina encamên destpêkê yên serjimêriyê got ku wê di nava 48-72 saetan de werin eşkere kirin.

Li gorî zanyariyan wê encamên serjimêriyê sibe bi şev bi civîneke çapemeniyê werin ragihandin.

Hate zanîn ku wê encamên serjimêriyê li gorî parêzgeh, navçe û nehiyeyan werin eşkere kirin.

Navçeyên Kurdistanî û Kerkûk di vê serjimêriyê de xwedî girîngiyeke mezin in ku vê carê li gor serjimêriya 1957an a niştecihên wan herêman tê kirin. Bi vê biryarê re tê çaverêkirin nifûsa Kurdên resen ên wan herêman jî were parastin.