"Divê hilbijartinên Herêma Kurdistanê bi besdariya kêmneteweyan were kirin"

PeyamaKurd – Serokê UNAMI Hennis-Plasschaert diyar kir ku divê hilbijartinên Parlamentoya Herêma Kurdistanê di nava 4 mehan de bi beşdariya kêmneteweyan were kirin.

Seroka Nûnertiya Neteweyên Yekbûyî (NY) ya Iraqê (UNAMI) Jeanine Hennis-Plasschaert li Konseya Ewlekariyê ya NYê li ser rewşa Herêma Kurdistanê û Iraqê raporek pêşkêş kir û daxuyanî da.

Hennis-Plasschaert derbarê Herêma Kurdistanê de jî got:

“Em hêvîdar in di zûtirîn dem de roja hilbijartinên parlamentoya Herêma Kurdistanê were diyarkirin û eşkerekirin. Divê kêmnetewe jî beşdarî hilbijartinên ku di heyama 4 mehan de bên kirin, bibin. Ji bo hebûna baweriya siyasî hilbijartinek giştî û zelal pir pêwîst e."

Herwiha Hennis-Plasschaert ragehand ku, eger dorpêça li ser herêma Kurdistanê berdewam be wê paşeroja herêmê ne diyar bimîne.