Eniya Tirkmen li dijî biryara diyarkirina parêzgarê Kerkûkê ye

PeyamaKurd - Eniya Tirkmen a Iraqê ku li Kerkûkê xebatan dike ragihand ku civîna Encumena Parêzgeha Kerkûkê ya ku li Bexdayê pêk hat û tê de parêzgar û serokê encûmena parêzgeha Kerkûkê hat diyarkirin, “ne yasayî” ye û ew ê giliyê sûc bikin.

Encamên hilbijartina Parêzgar û Serokê Encumena Parêzgeha Kerkûkê ya di civîna duh li Bexdayê de ji aliyê 5 endamên Yekîtiya Niştimanî ya Kurdistanê (YNK), 1 endamê mesîhî û 3 endamên ereb ên encumena parêzgeha Kerkûkê ve hatin lidarxistin, didomin. Civîna ku şeva borî li Otela Reşîd a Bexdayê hat lidarxistin bi beşdariya hin aliyên tirkmenan pêk hat.

Eniya Tirkmen a Iraqê di daxuyaniya xwe ya îro de ev biryar weke "neyasayî" bi nav kir.  

Di daxuyaniya Eniya Tirkmen de hate gotin, "Pirsgirêka Kerkûkê bi dabeşkirina pile û eniyan nayê çareserkirin. Ya ku hatiye kirin, li dijî ruhê lihevkirin û yekîtiyê ye." 

Eniya Tirkmen a ku di encumena parêzgeha Kerkûkê de  2 kursiyên wê hene, di berdewama daxuyaniya xwe de got: "Ti kes nikare Tirkmenan ji bîr bike. Em beşdarî civînê nebûn û ti kesî nûnertiya me nekir."

Ji aliyê din ve hate gotin ku "Di civîna Bexdayê de binpêkirinên qanûnî hatin kirin, nebûna Tirkmenan di civîna Bexdayê de li dijî ,qanûnê ye."