'Ew' welat wê bi hezaran leskeran bisîne ser sînorê Belarûsê

PeyamaKurd – Wezîrê Parastinê yê Polonyayê Mariusz Blaszczak ragihand, wê hejmara leşkeran a li ser sînorê Belarûsê bigihêje 10 hezarî.

Blaszczak ji Radyoya Polonya ya dewletî re got, personelên leşkerî yên welêt li ser sînorê Belarûsê wê di sala 2021an de nêzî hejmara leşkerên ku li herêmê bi cih bûne were.

Blaszczak bal kişand ku hejmara leşkerên li ser sînor wê bên zêdekirin û wiha got: "Wê bi qasî 10 hezar leşker hebin. 4 hezar ji wan wê piştgiriyê bidin cerdevanên sînor, 6 hezar ên mayî jî wê di amadebaşiyê de bin. Ev leşker wê jêhatiya xwe pêş bixin di garnîzonên ku li rojhilatê welatê me ji nû ve hatine avakirin."

Nêzîkî 2000 leşkerên Polonî niha li ser sînorê Polonya û Belarûsê bi cih bûne, herwiha bi sedan polîs û parêzvanên sînor jî hene.

Rayedarên Polonyayê di rojên dawî de derbarê şandina leşkeran bo ser sînor de daxuyaniyên cuda dan.

Alîkarê Wezîrê Karên Hundir ê Polonyayê Maciej Wasik di destpêka hefteyê de diyar kiribû ku dixwazin 1000 leşkerên din derbasî sînor bibin. Pişt re hat diyarkirin, wezîr Blaszczak biryar daye 2 hezar leşker bişînin herêmê.

Zêdebûna hejmara leşkeran li ser sînorê Belarûsê ji ber zêdebûna rageşiya li herêmê ye, yekem ji ber pêla koçberan ku hewl didin ji Belarûsê derbasî Polonyayê bibin û herî dawî jî ji ber êrişên Belarûsê bi kevir, kerpîç û guleyên din li ser Efserên Polonî li herêmê dewriyeyê dikin.