Fezlekeyên 7 parlamenterên HDPê sandin Parlamentoya Tirkiyê

PeyamaKurd – Fezlekeyên rakirina parêzbendiya 7 parlementerên Partiya Demokratîk a Gelan (HDP) û parlamenterekî Partiya Karkerên Tirkiyê (TIP) ji Serokatiya Parlementoya Tirkiyê re hatin şandin.

Hat ragihandin ku derbarê 8 parlamenteran de 8 dosyayên nû ji bo rakirina parêzbendiyê pêşkeşî Komîsyona Hevbeş a Parlamentoya Tirkiyê hatin kirin.

Komîteya Hevbeş biryara rakirina parêzbendiyê bide wê biryar li Civata Giştî ya Parlamentoyê bikeve ber dengdanê.

Parlementerên ku fezlekeyên wan ji Serokayetiya Parlementoya Tirkiyê re hatine şandin ev in:

Parlamentera HDPê ya Batmanê Feleknas Uca, Parlamenterê HDPê yê Çewlîgê Erdal Aydemir, Parlamenterê HDPê yê Diyarbekirê Hişyar Ozsoy, Parlamenterê HDPê yê Agirî Abdullah Koç, Parlamentera HDPê ya Mêrdînê Pero Dundar, Parlamenterê HDPê yê Rihayê Omer Ocalan, Parlamenterê HDPê yê Dêrsîmê Alican Onlu û Parlamenterê TIPê yê Stenbolê Ahmet Şik.