Fînlandiya dikare di nêz de îzna îxracata berhemên bergiriyê bide ji bo Tirkiyê

PeyamaKurd – Wezîrê bergiriyê yê Fînlandiyayê Antti Kaikkonen ji bo seredanekî fermî giha Ankara ya Tirkiyê û bi wezîrê bergiriyê yê Tirkiyê Hulusi Akar re rû bi rû hevdîtin kir û paşî her dû wezîr ji heyetên xwe re serokatiyê kirin. Wezîrê Fînê ragihand ku wan yek bi yek îzna îxaracata berhemên sanayiya bergiriyê dane ber çav û di pêş de dikarin îznê bidin hinek berheman da îxracê Tirkiyê bikin. Kaikkonen, ji bo Reutersê weha got:

“Hevdîtinên pêş yên şîrketên Fînî bi şîrketên Tirkiyê re hatin kirin. Divê pêşî ji şîrketên Fînî daxwaz werin ku waye şîrketên Tirkiyê dixwazin ji wan berheman bikirin û em jî weka hukumet fikra xwe bêjin. Dibe ku ev di nêz de bibe.”

Piştî hevdîtina her dû wezîran, civîna çapemeniyê hat kirin û Antti Kaikkonen weha got:

“Di hevdîtina me ya îro de, endîşeyên me yên ewlehiyê yên her dû dewletan hatin ziman û dewama hevdîtinan ji bo me her dû dewletan girînge.”

Ji bo Fînlandiya û Îsweç bibin endamên NATO yê, erêkirina Tirkiyê pêwiste û ji ber wê jî çûnûhata fermî ya her sê dewletan bi zêdayî dewam dike. Tirkiyê her weha dixwaze ji her dû dewletan sîlihan bikire.