Guterres: Gelên Lubnan, Îsraîl û dinyayê nikarin Xezeyeke nû ragirin

PeyamaKurd – Sekreterê Giştî yê Neteweyên Yekbûyî (NY) Antonio Guterres, di 79. Civata Giştî ya NY de gotara vekirinê pêşkeş kir û bal kişand ser şerê dawî yê Îsraîl û Hizbullaha Lubnanê ku Îsraîlê êrîşên berfireh di çend rojên dawî de dane destpêkirin.

Guterres got, “Lubnan li keviya kendalê ye. Gelê Lubnanê, gelê Îsraîlê û gelên dinyayê Xezeyeke nû nikarin ragirin.”

Antonio Guterres, hişyarî da lîderên welatên cîhanê û banga çareserkirina kêşeyên navdewletî kir û xwest bilez bikevin tevgerê.

Guterres, sala 2024an weke saleke pir girîng bo mirovahiyê nirxand û da zanîn, wê zêdetirî nîvê dinyayê biçe ser sindoqên hilbijartinê û biryarên bên dayîn jî wê bandorê li tevahiya mirovahiyê bike.

Sekreterê Giştî yê NY bal kişand ser şerê Rojhilata Navîn got: “Xeze kabûseke tevahiya herêmê tehdît dike ye. Ji bilî Lubnanê li cihekî din nenêrin.. Lubnan li keviya kendalê ye. Gelê Lubnanê, gelê Îsraîlê û bi tevahî gelên dinyayî Xezeyeke nû li Lubnanê nikarin ragirin.”