Hîzbûllahê ragihand ku du êrîsan biriye ser Îsraîlê

PeyamaKurd – Hîzbûllahê ragihand ku du operasyonan kiriye ser Îsraîlê. Yek ji wan li tesîsên leşkerî û li avahiyên artêşa Îsraîlê xistiye. Êrîşa dinê jî biriye ser cîhazeka sîxwurî ya Îsraîlê.

Li gor du daxwuyaniyên Hîzbûllahê; êrîşekî birine ser başûrê Girên Golanê, ser jîngeha Yahûdiyan ya Natûrê. Di êrîşê de avahî û baregehên leşkerî kirine armanc.

Nêzî sînorê Lubnanê li jîngeha Dowewê, Îsraîlê cîhazekî sîxurî daniye ser vîncekî û Hîzbûllahê bi drona kamîkazî cîhazê îmha kiriye.

Her dû êrîş bi sedema artêşa Îsraîlê li başûrê Lubnanê gund û jîngehan kiribû hedef û li hedefan xistibû û Hîzbûllah jî tola êrîşê ji Îsraîlê sitendiye.

Li ser candayiyan û jimara birîndaran ti agahî nehat dayîn.

Li gor ajansa Lubnanê ya NNAyê, topvanên Îsraîlê li nêzî bajarokê Meys el-Cebelê, li devera el-Merca Başûr bi bombeyên fosforê lê xistiye.

Wezareta tenduristiyê ya Lubnanê ragihand ku li bajarokê Mecadilê 3, li bajarokê Şihinê kesekî di encama êrîşa Îsraîlê de birîndar bûne.