Îdîa: Di hikûmeta nû ya Sûriyê de wê wezaretan bidin Kurd, Durzî û Xiristiyanan jî

PeyamaKurd – Çavkaniyekî ji medyaya Iraqî re îdia kir û got: “Guherînên di birêveberiyê de dê berfireh bin, yek an du wezîr dê bimînin. Guherîn dê ji bo hemû pêkhateyên Sûriyeyê rewa bin. Wezaretan dê bidin Kurd, Durzî û Xirîstiyanan jî.”

Heman çavkaniyî diyar kir ku dê wezaretek ji jinan re jî were veqetandin û got, 

“Hin wezaret dê bên yekkirin û bibin serokên dezgehan. Biryar hat dayîn ku li Sûriyeyê li şûna wezaretê Desteya Bilind a Fetwayê were avakirin.”

Serokê demkî yê Sûriyeyê Ehmed Şera di hevdîtinekê de li gel şandeke parêzgeha Siwêdayê ku civaka Durzî tê di piraniya wê de ye, cudabûna mezhebî red kir û tekez kir ku armanca sereke birêvebirina welat li gorî rêgezên sazî û qanûnî ye ku yekitiya dewletê garantî dike.

Şera diyar kir ku birêveberiya heyî bi birêveberiyeke hevseng hewl dide ku ji bo gelê Sûriyeyê tişta herî baş bi dest bixe.