Iraq: Hebûna PKKê ya li Herêma Kurdistanê bi rêkeftina navbera wê û Tirkiyê ye

PeyamaKurd - Wezareta Derve ya Iraqê li ser operasyonên Tirkiyê yên bi hinceta PKKê li ser erda Iraqê û Herêma Kurdistanê berdewam dikin daxuyaniyek belav kir.

Wezareta Iraqê di daxuyaniyê de eşkere kir: “Em vê bi bîr tînin ku hebûna piraniya çekdarên Partiya Karkerên Kurdistanê (PKK) li bakurê Iraqê (Herêma Kurdistanê), di encama rêkeftineke navbera PKK û hikûmeta Tirkiyê de ye, di heman demê de em redkirin û nerazîbûna Iraqê jî nîşan didin ku em destdirêjiyên Tirkiyê li nav axa Iraqê dibînin.”

Di daxuyaniyekê de hat eşkere kirin ku wan Balyozê Tirkiyê yê li Bexdayê bangî wezaretê kiriye û peyama nerazîbûna hikûmeta Iraqê ango notaya protestoyê radestî wî kirine.

Wezareta Derve ya Iraqê diyar kir, ji ber binpêkirin û destdirêjiyên berdewam ên artêşa Tirkiyê, Balyozê Tirkiyê yê li Bexdayê ji bo wezaretê hatiye bangkirin.

Hat gotin ku wezaretê bi zimanekî tund nerazîbûna xwe radestî Balyozê Tirkiyê kiriye û daxwaz kiriye ku dest ji reftarên bi rengî û binpêkirinan berdin.

Herwiha di daxuyaniyê de hat diyarkirin: “Hikûmeta Iraqê daxwaza xwe ya ji bo vekişîna hemû hêzên Tirkiyê ji nav axa Iraqê nû dike, bi awayekî ku pabend bibe bi rêzgirtina li ser serweriya wê ya niştimanî.