Îsraîl: Hêza me heye ku em xwe bigihînin her devera Rojhilata Navîn

PeyamaKurd – Serfermandarê Îsraîlê Herzî Halewî îdia kir ku ew dikarin xwe bigihînin her devera Rojhilata Navîn.

Li gorî daxuyaniya artêşa Îsraîlê, Halevî di serdana xwe ya ji bo baregeha 140emîn a li Baregeha Nevatim a li başûrê Îsraîlê ku balafirên şer ên F-35 "Adir" lê ne, daxuyanî da.

Halevî diyar kir, êrîşên artêşa Îsraîlê yên ji 7ê Cotmehê vir ve li ser Şerîda Xezzeyê mehek in û di vê heyamê da "bi tundî li Hemasê" hatine.

Halevî got, ji xeynî Xezzeyê ew amade ne li dijî gefên li "herêmên din" tevbigerin û got, "Ev baregeh xwedî hêza ku xwe bigihîne her derê Rojhilata Navîn heye."

- Pejirandina planên operasyonê yên zêde yên Îsraîlê

Ji aliyê din ve hat diyarkirin ku Wezîrê Parastinê yê Îsraîlê Yoav Galant ji bo operasyona bejayî ya li Xezzeyê planên operasyonê yên zêde erê kiriye.

Di daxuyaniya Wezareta Parastinê ya Îsraîlê da hat diyarkirin ku Galant di civîna ku hat lidarxistin da planên operasyonê yên nû yên artêşa Îsraîlê yên li bakurê Şerîda Xezzeyê û bajarê Xezzeyê erê kir.

Galantê ku nêrînên wî di daxuyaniyê de cih girt, destnîşan kir ku operasyona artêşa Îsraîlê ya rojên borî gelekî bi bandor bû û fermandarên baskê leşkerî yê Cîhada Îslamî Quds Seriye û baskê leşkerî yê Hamasê Îzzeddîn el-Qessam. Tûgayên, di 24 saetên dawî de hatin tasfiyekirin.

Artêşa Îsraîlê di daxuyaniya xwe ya 6ê Mijdarê de ragihandibû ku fermandarê Tabûra Deyr Balah a girêdayî Hamasê Wail Ebû Asefe hatiye kuştin, lê di derbarê mijarê de ji Hamasê tu daxuyanî nehatibû dayîn.

- Rewşa herî dawî ya êrîşan

Di dema ku baskê çekdar ê Hamasê, Tûgayên Îzzeddîn el-Qassam, sibeha 7ê Cotmehê êrîşeke berfireh li dijî Îsraîlê pêk anîbû, artêşa Îsraîlê bi tundî ji esmanî Şerîda Xezzeyê bombebaran kir.

Îsraîlê ragihand, di êrîşên ku ji Xezzeyê hatin kirin de 315 leşker jî di nav de hezar û 400 Îsraîlî hatin kuştin û 5 hezar û 132 kes jî birîndar bûn.

Li gorî Îsraîl, hejmara leşkerên ku ji 31ê Cotmehê û vir ve di pevçûnên li Şerîda Xezzeyê de hatin kuştin, derket 30î, di nava Tugayên Qassam de jî 242 girtiyên Îsraîlî hene.

Li gor daxuyaniya Wezareta Tenduristiyî ya Filistînê, li Xezzeyê di êrîşên Îsraîlê de, 4 hezar û 104 zarok û 2 hezar û 641 jin, 10 hezar û 22 Filistîni mirin û 25 hezar kes birîndar bûn.

Arteşa Îsraîlê li Nexweşxaneya Şifa ya ku navenda tenduristiê ya herî mezin e li Xezzeyê, bi hezaran birîndar û sîvîl hene, Nexweşxaneya Zarokan a Nasr, nexweşxaneyen Al-Ehli Baptist û Dostaniya Tirk û Filistîne û derdora Quds û nexweşxaneyen Endonezyayê yên girêdayî Filistîne xistin. Di êrîşan de bi sedan kes mirin û birîndar bûn.