Komîsyona Hilbijartinê ya Iraqê, hejmara serlêdanan eskere kir

PeyamaKurd- Ji aliyê Komîsyona Bilind a Serbixwe ya Hilbijartinê ya Iraqê ragihand ve hat ragihandin ku 24 hevpeymanan ji bo hilbijartinên encumenên parêzgehan serî li saziyê dane.

Di derbarê mijarê de Rêvebirê Komîsyona Bilind a Serbixwe ya Hilbijartinan û Rêzkirin û Perwerdeyê ya Iraqê Davut Silêman daxuyanî da û diyar kir ku serlêdanên hevpeymaniyê heta 5ê Tebaxê hatine dirêjkirin.

Davud Silêman, di dewama agahiyên xwe de destnîşan kir ku bi giştî 24 serlêdan ji bo koalîsyonê hatine kirin û got, ji wan 15 tifaqên nû hatine avakirin.

Davud Silêman diyar kir ku piraniya komîteyên girêdayî komîsyonê, xebatên xwe bi dawî kirine û piraniya madeyên teknîkî jî hatine qebûlkirin û got ku tenê karê komîsyona tîma gerok ku koçberên li kampan qeyd dike, maye.

Her wiha hat zanîn ku hilbijartinên encumenên parêzgehên Iraqê dê di 18ê Kanûnê de bên kirin û di hilbijartinan de li 15 parêzgehan zêdetirî 23 milyon hilbijêr dê li 7 hezar navendan dengên xwe bidin. 16 milyon hilbijêr xwedî qezenca dengdêrên biyometrîk in.

Di nav van daneyên ku hatin eşkerekirin de ev rêje parêzgehên Herêma Kurdistanê nagire nav xwe.