Li Kurdistanê yekem Festîvala Fîlman 'Co-Online’ tê lidarxistin

PeyamaKurd – Bi sedema koronavîrusê wekî gelek welatên cîhanê li Kurdistanê jî êdî xebat û çalakiyên çandî-hunerî vedigerin ser înternetê.

Li Herêma Kurdistanê cara yekem festîvaleke fîlman bi navê "Festîvala Fîlman a Kurdistan Co-Online’ tê lidarxistin.

Hat zanîn ku amadekariyên festîvalê ji 23yê Nîsanê ve dest pê kirine û dê derhêner bi gelek cure û mijarên cuda yên fîlman heta 25ê Gulanê bikarin serlêdana beşdariya festîvalê bikin.

Pîvanên Festîvala Fîlman a Co-Online wiha hatine diyarkirin:

- Fîlmê ku serlêdana festîvalê bike, pêwîste piraniya fîlm ji beşek çar parçeyên Kurdistanê derbas bûbe, yan jî derhêner û lîstikvanên sereke ji beşeke Kurdistanê bin.

- Divê fîlm bi formata Mp4 û herî kêm bi kalîteya 1080 a dîmenan be. Kurtefîlm divê ne zêdeyî 30 xulekan bin.

- Serlêdana bo festîvalê 25ê Gulana 2020an bidawî dibe.

Berpirsê festîvalê ragihandine ku derhêner, rexnegir û her kesên bixwazin proseya Festîvala Fîlman a Co-Online bişopînin, divê serdana malpera wan bikin.

Herwiha hatiye diyarkirin ku wê di çarçoveya festîvalê de gelek bername û çalakiyên taybet ên sînemayê bi awayekî online werin lidarxistin.

Biryare di gelek warên sînemageriyê de xelat bo fîlmên beşdar bên dayîn.