Li Nîjeryayê hejmara kesên ji ber taya Lassa mirin derket 163yan

PeyamaKurd – Li Nîjeryayê ji ber taya Lassa ya ku ji heywanan derbasî mirovan dibe û dibe ku bibe sedema mirinê, hejmara miriyan derket 163yan.

Di daxuyaniya ku ji aliyê Navenda Kontrolkirina Nexweşan a Nîjeryayê (NCDC) ve hat dayîn de hat diyarkirin ku şewba taya Lassa li 34 eyaletan û herwiha li paytext Abujayê belav dibe.

Di daxuyaniyê de hat destnîşankirin ku di vê heyamê de hejmara kesên ji ber şewbê mirin derket 163yan.

Hikûmeta Nîjeryayê ragihand ku ji bo dermankirina nexweşiyê 3 derman hatine tespîtkirin.

Di şewba taya Lassa de, ku her sal di mehên Mijdar û Gulanê de zêde bû, dema ku heyama zuha dihat jiyîn, di sala 2023an de 1227 bûyer hatin tespîtkirin û 219 kes mirin.