Li Stenbolê bi helkefta cejna Newrozê çalakîyek hat lidarxistin

24 March 2019 19:16 0 dîtin

PeyamaKurd - Welatîyên kurd li Stenbolê bi helkefta cejna Newrozê bi şîara’ êm dê teqez bi ser bikevin û tecrîdê bişkînin’ li qada mîtîngan a Bakirkoyê çalkîyekê li dar dixin.

Partîya Demokratîk a Gelan (HDP) û alîyên sîyasî yên kurdî û derdora kurdî li Stenbolê, li qada Bakirkoyê bi beşdarîya dehhezaran Newrozê pîroz dike. Welatî bi cil û bergên xwe yên kurdî beşdarî mîtîngê dibin.

#Istanbul #Newroz undan renkli görüntüler

Li #Stenbolê cejna #Newrozê pic.twitter.com/r9XWZ30B1d

Li Newroza Stenbolê Hevseroka HDPê Pervîn Buldan, Parlemeterên HDPê yên weke Saruhan Uluc, Huda Kaya, Oya Ersoy û alî û kesayetên sîyasî, dayîkên şemîyê, endamên sendîkakaran û welatî beşdar bûn.

Axaftin gelek caran bi dirûşmên 'Leyla Guven rûmeta me ye!' û 'Bijî berxwedana zîndanan!' hatin birîn.

Pervin Buldan: Em dê deng bidin Yekîtîya Hêzên Demokrasîyê.

Hevseroka HDPê Pervîn Buldan axaftine kir û balkişande ser hilbijartinan û bi taybetî li ser hilbijartinên Stenbolê. Buldan got yên ku Stenbolê ji dest bidin Tirkîyê ji dest didin: "Em partîyeke Tirkiyê ne. Ez nav nadim lê ez dibêjim em dê deng bidin Yekîtîya Hêzên Demokrasîyê."