Li Tirkiye û Bakurê Kurdistanê dengdana hilbijartinên dubare dest pê kir

PeyamaKurd – Li ser biryara Desteya Bilind a Hilbijartinên Tirkiyeyê (YSK) îro 2yê Hezîranê li 7 navendan hilbijartinên dubare yên şaredariyan têne kirin ku 58 hezar û 259 hilbijêr  li 312 sindoqan deng didin.

Di hilbijartinên 31ê Adarê de îtiraz li ser encamên hina deveran hatibûn kirin û biryar hatibû dayîn, li 3 navçe û 4 bajarokan 2yê Hezîranê hilbijartin bên dubarekirin û li 212 taxan jî muxtar ji nû ve bên hilbijartin.

Li navçeya Curnê Reş (Hîlwan) a Rihayê jî hilbijartin tê dubarekirin ku DEM Partiyê 31ê Adarê ji sedî 33,20ê dengan AK Partiyê jî ji sedî 30,72yê dengan standibû.

Dengdan di navbera 08:00 û 17:00an de dê karibin dengê xwe bidin û li gorî yasayê qedexeya weşanê heta demjimêr 21:00ê dê berdewam bike.

Li Tirkiye Bakurê Kurdistanê deverên dengdana dubare tê kirin:

Bakurê Kurdistanê

Riha - Curnê Reş

Dêrsim - Mêzgir - Perî

Sêwaz - Norxan - Guneykaya

Tirkiye

Aksaray - Guzelyurt

Kayseri - Pinarbaşi

Kirklareli - Luleburgaz- Buyukkariştiran

Aksaray - Saglik