Mazlûm Ebdî: Bi hevkariyeke xurt careke din me derbeyek mezin li DAISê xist

PeyamaKurd – Fermandarê Giştî yê HSDê Mazlûm Ebdî bi peyamekê diyar kir, bi hevkariya xurt a Amerîkayê hêzên wan careke din derbeyek mezin li DAIŞê xist.

Li ser kuştina serçeteyê DAIŞê, fermandarên giştî yê HSDê Mazlûm Ebdî li ser hesabê xwe yê twîtterê daxuyaniyek belav kir û da zanîn: “Em spasiya gelê Amerîka û Biden dikin ji bo piştgiriya wan a domdar di êrîşa dawî ya Idlibê de ku şêfê rêxistina DAIŞê tune kir. Bi hevkariyeke xurt, careke din me derbeyek mezin li DAIŞê xist. Bila serê 121 kesên ku di êrîşa rêxistina DAIŞê ya li ser Hesekê de şehîd bûne, rehet be.”