Nêçîrvan Barzanî bi Serokê Dadgeha Federalî û Serokê Encûmena Bilind a Dadweriya Iraqê re civiya

PeyamaKurd - Serokê Herêma Kurdistanê Nêçîrvan Barzanî, di serdana xwe ya Bexdayê de bi Serokê Dadgeha Federalî Casim Mihemed Ebûd Humadî re û Serokê Encûmena Bilind a Dadwerî re civiya.

Hate ragihandin ku Serokê Herêma Kurdistanê ji bo sê hevdîtin û civînan serdana Bexdayê kir ku yek ji wan bi Serokê Dadgeha Federalî re bû.

Herwiha Nêçîrvan Barzanî bi Serokê Encûmena Bilind a Dadwerî ya Iraqê re jî civiya û dê êvarê jî ji aliyê Serokwezîrê Îraqê Mihemed Şiya Sûdanî ve mêvandariya wî bê kirin.

Hate diyarkirin, du pirsên giring di karnameya vê serdanê de hene, yek ji wan girêdayî mûçe û budce û pişka Herêma Kurdistanê di budceya giştî de ye. Pirsa duyem jî girêdayî hilbijartinên Perlamentoya Kurdistanê ye.

Hate zanîn ku wê Nêçîrvan Barzanî îşev piştî hevdîtinê xwe vegere Herêma Kurdistanê.