Nêçîrvan Barzanî bi Cîgirê Serokê Komîsyona Ewropayê re civiya

PeyamaKurd – Serokê Herêma Kurdistanê Nêçîrvan Barzanî, di çarçoveya Konferansa Asayîşa Munichê de, bi Cîgirê Serokê Komîsyona Ewropayê Margaritis Schinas re civiya.

Li gor agahiyan, di civînê de rewşa Iraqê, proseya hilbijartinan û hengavên proseya siyasî gotûbêj kirin û her du aliyan tekezî li ser girîngiya guftûgoyên ji bo çareserkirina kêşeyên Iraqê kirin.

Cîgirê Serokê Komîsyona Ewropayê diyar kir, ew bi girîngî temaşeyî rewşa Iraq û Herêma Kurdistanê dikin û ew bawer in ku derfertek heye ji bo wê yekê ku Iraq baştir li ser piyên xwe rawestê heta şerê terorê bike û bikarê li rêya binyatnana demokrasî û saziyan ve, aştî û aramiyê dabîn bike.

Cîgirê Serokê Komîsyona Ewropayê da zanîn, Yekîtiya Ewropa berdewam û pêgir e bi pêwendiyên xwe yên li gel Iraq û Herêma Kurdistanê û hêvîdar in kêşeyan çareser bikin. Herwiha spasî alîkariya Hewlêr û Bexdayê li gel Yekîtiya Ewropa ya di derbarê pirsa koç û koçberan kir.

Herwiha Margaritis Schinas di beşeke din a civînê de eşkere kir û got, Ewropî amade ne ji bo hevkariyê û wekî hevbeş temaşa Iraq û Herêma Kurdistanê bikin. Herwiha spasî ji bo alîkariya Herêma Kurdistanê li gel Yekîtiya Ewropayê kir.

Serokê Herêma Kurdistanê Nêçîrvan Barzanî tekezî li ser girîngiya yarmetîdan û hevkariya Ewropa ya ji bo Iraqê kir heta bikarê kêşeyên xwe çareser bike ku dibê sedema dabînkirina aramiya siyasî û diyar kir, girîng e siyaseteke Yekîtiya Ewropa ya giştgîr li beramber Iraq û Herêma Kurdistanê hebe.

Herwiha pêşhatên dawî yên rewşa navçeyê bi giştî, mijareke din a civînê bû.