Netanyahu û Serokê Amerîkayê "agirbesta demkî" gotûbêj kirin

PeyamaKurd – Serokwezîrê Îsraîlê Benjamin Netanyahu diyar kir ku armanca wan ew e ku "Xezze venegere rewşa xwe ya berê."

Benjamin Netanyahu ragihand, "erênî dît" ku rawestana mirovahî ya di şer de ji bo her 10 girtiyên Îsraîlî yên ku ji hêla Hamasê ve têne berdan, wê rojekê were dirêjkirin.

Netanyahu peyama vîdyoyê li ser platforma medyaya civakî X parve kir û diyar kir, bi Serokê Amerîkayê Joe Biden re bi telefonê axivîn.

Netanyahu diyar kir, wî çarçoveya dirêjkirina betlaneya însanî ya rojekê, ji bo her 10 girtiyên Îsraîlî yên ji aliyê Hamasê ve tên berdan "erênî dît" û got, wî ji Biden re ragihandiye "piştî bidawîbûna vê çarçoveyê, ew ê bi hemû hêza xwe vegerin da ku bigihîjin armancên xwe."