Partiya DEMê roja hilbijartinên destpêkê eskere kir

PeyamaKurd – Lijneya Rêveberiya Navendî ya Partiya Wekhevî û Demokrasiyê (DEM) bi serokatiya Hevserok Tûlay Hatîmogullari û Tuncer Bakirhan civiya.

Di civîna ku nêzî 10 saetan dewam kir de, têkildarî hilbijartinên destpêkê û lihevkirina bajaran biryarên girîng hatin girtin.

Di civîna MYKê ya DEMê de biryar hat dayîn ku hilbijartinên pêşwext ên ji bo namzetên di hilbijartinên herêmî yên 31ê Adarê de bên diyarkirin wê di navbera 13-14ê Çileyê de bên kirin.

Hat diyarkirin ku xebatên “Lihevhatina Bajar” a Partiya DEMê jî tê plankirin ku bajar bi bajar bên zelalkirin.

Li gorî vê; Li Hatay, Mêrsîn, Stenbol û Enqereyê wê bi hêzên demokratîk, STK û partiyên siyasî re têkilî bên xurtkirin.