Rêvebiriya Xweser ya Rojava: Tirkiye bendava Tisrinê bombe kir

PeyamaKurd – Rêvebiirya Xweser ya Rojavayê Kurdistanê li ser bendava Tişrinê daxwuyanî da û got:

“Tirkiye êrîşê bendava Tişrinê kir û xebatên bendavê rawestiyan. Em bang dikin koalisyona navdewletî ku mudaxeleyê meselê bikin. Eger di bendava Tişrinê de teqîn bibe, wê herêm bikeve bin avê û bi talûkeyekî mezin re rû bi rû bimîne.”

Li ser mijara bendava Tişrinê, rêvebirê bendavê Ali Demir ji bo Rûdawê ragihandiye:

“Tirkiye êrîşê bir ser baraja an ku bendava Tişrinê. Ji ber êrîşê, elektrîka barajê hat birîn, talûka teqîna barajê heye û dibe ku av di serde biqelibe.”

Bendava Tişrînê 90 km li rojavayê bajarê Helebêye, li ser çemê Firatê ava bûye. Baraj bilindahiya wê 40 metreye û tê de 6 turbîn hene. Kapasîta hilberîna elektrîka wê 630 MW e.