Rûsyayê bersiv da biryara firotina Patriotan bo Tirkiyê

PeyamaKurd – Piştî ku Wezareta Derve ya Amerîkayê biryara firotina bi 3.5 milyar dolaran a moşekên parastina hewayî Patriotan bo Tirkiyê pesend kir, ji Rûsyayê bersiv hat.

Kremlînê daxuyakirin, "Pesendikiran firotina Patriotan ji aliyê Amerîkayê ve, bandorê li ser peymana S-400an a bi Tirkiyê re nake.”

Di daxuyaniyê de hat gotin, "Firotina moşekan a Amerîka û Rûsyayê bo Tirkiyê karên ji hev cuda ne. Dê firotina S-400an bo Tirkiyê bi her awayî bê temamkirin. Em pêşbînî nakin ku Tirkiye agahiyên moşekên Rûsî bi Amerîkayê re parve bike.”

Peymana kirîna S-400ên Rûsî ji aliyê Tirkiyê ve, hiştibû Amerîka û NATO bertekan ji Tirkiyê re nîşan bidin ku ew sîstem ne li gor sîstemên artêş NATOyê ne û dê bibin sedema zehmetiyan di karkirina wan de.

Ev pengava Amerîkayê ya firotina Patriotan wekî astengkirina firotina S-400ên Rûsî hatibû nirxandin.