Serok Barzanî bi Jean Asselborn re civiya: 'Divê astengî li pêsiya proseya siyasî nemînin'

PeyamaKurd - Serok Mesûd Barzanî îro Çarşemê pêşwazî li Wezîrê Derve yê Luksemburgê Jean Asselborn kir ku bi serdaneke fermî li Herêma Kurdistanê ye.

Piştî civînê hat ragihandin ku Serok Barzanî û Asselborn guftûgo derbarê rewşa siyasî ya Iraq û herêmê, qeyranên cîhanê û sedem û encamên şerê di navbera Rûsya û ukraynayê de kirin.

Di hevdîtinê de, li ser rewşa Iraqê jî her du aliyan hêvî xwest astengî li pêş proseya siyasî ya Iraqê nemînin û hikûmeta bê ya Iraqê, li hember kêşeyan berpirs be û destûrê bicih werîne.

Di beşeke din a civînê de, li ser rewşa Êzidiyan û koçberên Şingalê jî hat axaftin.