Serokwezîr Barzanî: Herêma Kurdistanê ji bo îxracata petrolê amade ye

PeyamaKurd – Serokwezîrê Herêma Kurdistanê Mesrûr Barzanî di civîna encumena wezîran ya Herêma Kurdistanê de, li ser mijara petrola Kurdistanê axifî. Barzanî behsa hevdîtinên navbera hukumeta Herêma Kurdistanê û Bexdayê kir û got ku Herêma Kurdistanê di çarçova destûra Iraqê de, Kurdistan amadeye û li benda Bexdayê ne ku pêvajoyê bidin destpêkirin.

Di civîna encumena wezîran ya Kurdistanê de, cîgirê serokwezîr Qubad Talabanî jî amade bû. Di rojeva Barzanî û encumenê de, xala yekem li ser îxracata petrola Herêma Kurdistanê bû.

Serokwezîr Barzanî û wezîrên pêwendîdar ên Herêma Kurdistanê, li ser encama hevdîtinên bi cîgirê serokwezîrê Iraqê û hem wezîrê petrolê Hayyan Abdulgani ku bi heyeta xwe ve di 13ê Mijdarê de hevdîtin hatibûn kirin, li ser encama hevdîtinan agahiyan dan kabînê. Barzanî got:

“Ji hukumeta federal û terefên pêwendîdar li ser mijara destpêkirina pêvajoya îxracata petrolê, li ser temamkirina amadekariyan, em hêvî dikin ku bilezînin.”

Encumena wezîran, desteka xwe ji bo muzakereyên tên kirin diyar kir û xwest ku parastina mafên Herêma Kurdistanê bê kirin.

Di civînê de her weha li ser pêşniyarên ku di hinek wezaretan de ji nûh de, dahatên wan bên nûhkirin û van dahatan di projeyên xizmetguzarî de bên bikaranîn.

Encumen, li ser xerckirina darayî ya projeyan, xwest ku xwe ji burokrasiyê û rûtînê xwe dûr bixin, ji bo birêvebirina baştir, sîstema muhasebê pêş bixin, li ser dîjîtalîzebûnê û pêşdebirina xizmetan rawestiyan.