Yekem karwana petrola Kerkûkê bi bihayekî arzan gihîst Urdinê

PeyamaKurd – Hat ragihandin ku yekem karwanê nefta Kerkûkê bi tankeran gihîşt Urdinê.

Li gor rêkeftina navbera Iraq û Urdinê, Iraq rojane 10 hezar bermîlên nefta Kerkûkê bi 18 dolar kêmtirî ji nirxê nefta cîhanî wê bifroşe Urdinê.

Wezîra Wuze û Samanên Siruştî ya Urdinê Hale Zewatî ragihand, doh 4ê îlonê ber bi êvarî ve yekem karwanê nefta Kerkûkê bi tankeran gihîştiye Urdinê.

Henardekirina neftê li gor rêkeftina wezareta nefta Iraqê û wezareta wuzeya Urdinê ye û roja 31.08.2019ê û pê de dest bi proseya barkirina neft û hinardekirinê hatiye kirin.

Herwiha hat diyarkirin ku ji ber pirsgirêkên teknîkî, li ser sînorê navbera herdu welatan veguhestin bo çend rojan rawestiya bû.