2 balafirên kargoya leskerî yên Amerîkayê li Rojavayê Kurdistanê danîn

PeyamaKurd- Hate ragihandin ku hêzên Amerîkayê di çarçoveya bihêzkirina bingehên leşkerî yên li Rojavayê Kurdistanê de, bi 2 balafirên kargoyê alavên leşkerî û lojîstîk gihandin baregeha Şedadê ya Hesekeyê.

Hate zanîn ku herdu balafirên kargoyê îro 28ê Mijdarê gihîştine baregehên Şedadê û Xerab El-Cîr yên li Rojavayê Kurdistanê.

Li gorî agahiyan barê wan balafiran alavên leşkerî û lojîstîkî bû.

SOHRê eşkere kiriye ku barê balafiran çek, teqemenî û alavên lojîstîk bû.

Hêjayî gotinê ye, ji destpêka meha Mijdarê ve bi dehan barhilgirên Hevpeymaniya Navdewletî gihîştine baregehên Amerîka yên li Rojavayê Kurdistanê.