Amerîka 3 baregehên leskerî radestî hêzên Iraqê dike

PeyamaKurd - Di çend hefteyên pêş de Hêzên Amerîkayê ji sê binkeyên leşekrî yên Iraqê vedikişin, yek ji wan jî ‎Serbazgeha Qaîm e ku dikeve bakurê rojavayê Bexdayê.‎

Rayedarên leşkerî yên Amerîkayê ragihandine ku di çend hefteyên pêş de hêzên xwe ji sê binkeyên ‎leşkerî yên Iraqê vedikişînin û wan li binkeyên serekî kom dikin.

Yek ji wan binkeyan jî Binkeya Serbazî ‎ya Qaim e ku dikeve bakurê rojavayê Bexdaya paytexta Iraqê. Bi gotina rayedarê ‎leşkerî yên Amerîkayê, ew binke di merasimekê de radestî hêzên Iraqî tê kirin û dê kelûpelên serbazî jî ‎bidin artêşa Iraqê.‎

Pênc hezar û 200 leşekrênAmerîkayê li Iraqê hene û heşt binkeyên leşkerî di destê wan de ne.

Biryar ‎e piştî baregeha leşkerî ya Qaim di hefteyên pêş de, hêzên Amerîkayê ji du binkeyên din vekişin û wan binkeyan radestî ‎hêzên Iraqî bikin.‎

Hêzên Amerîkayê sala 2014an û piştî êrîşa DAIŞê li ser daxwaza hikûmeta Iraqê hatin wî welatî. Erkên wan rahênan û perwerdehiya serbazî bi hêzên Iraqê û hêzên Pêşmerge ye û di şerê li dijî terorê de alîkariyê didin wan hêzan.

Binkeyên Serbazî Yên Amerîkayê Li Iraqê:

Li Iraqê 5200 serbazên Amerîkayê hene. Sala 2014ê li ser daxwaza hikûmeta Iraqê hatine. Erkê wan rahênan û perwerdekirina Pêşmerge û hêzên Iraqê ye. Di şerê terorê de hevkariya artêşa Iraqê û Hêzên Pêşmerge dikin:

• Binkeya Serbazî ya Besmaye
• Binkeya Serbazî ya Qaîm
• Binkeya Serbazî ya ‎Geyare
• Binkeya Serbazî ya ‎Eyn Esed
• Binkeya Serbazî ya ‎Tacî
• Binkeya Serbazî ya ‎Hewlêr
• Binkeya Serbazî ya ‎K 1‎
• Binkeya Serbazî ya ‎Herîr