Asayîsa Kurdistanê plana êrîsan a du saneyên DAISê têksikand

PeyamaKurd - Hêzên Operasyona Dezgeha Asayişa Herêma Kurdistanê da xuyakirin ku wan plana du şaneyên terorîstî şikand ku ji bo kiryarên terorîstî li Hewlêrê pêk bînin û plana terorkirina çend kesayetiyan plan danîbûn.

Dezgeha Asayişa Herêma Kurdistanê şevê din, mikurhatinên çend tometbaran belav kir û diyar kir, “Bi piştbestina bi zanyariyên hewalgiriyê yên Operasyona Asayişa Silêmaniyê, belgeyên dirust û piştrastkirî li ser wan her du komên terorîstî li Herêma Kurdistanê ketin destê wan ku bi riya tora civakî ketine jêr bandora hizrî ya terorîstên DAIŞê û bi du arasteyên cuda plan danîbûn ku armancên xwe bicih bikin.

Asayişê da zanîn: “Piştî çavdêrîkirina tevgera tometbaran, bi rizemendiya birêz Dadwerê Lêkolînan, bi biryara Serokê Dezgeha Asayişa Kurdistanê, hêzên operasyonên Dezgeha Asayişa Herêmê çend operasyon û helmetên serkeftî yên cuda encam dan û hejmarek teroristên DAIŞê desteser kirin ku plana wan hebû piştî bicihkirina armancên xwe pêwendiyê bi çekdarên DAIŞê re bikin.”