Babacan, li ser peymanê axivî: Divê li hûrgiliyan neartilin!

PeyamaKurd- Serokê Giştî yê Partiya DEVAyê Alî Babacan ku partiya wî di nav Tifaqa Milet de cih digire, di bernameyeke televîzyonê de rojev nirxand.

Alî Babacan, li ser peymana ku di navbera Serokê Partiya Zaferê Umît Ozdag û Namzedê Tifaqa Milet ê Serokomariya Tirkiyeyê Kemal Kiliçdaroglu de hat destnîşankirin de got ku

"Neyet, lihevhatî ye. Li gorî ruhê kar e, lê dibe ku di teşe û plansaziyê de hûrgulî hebin. Lê divê mirov bi hûrgiliyan ve jî neartile.”

“2 vebijêrk hene û ev referandum e”

Alî Babacan diyar kir ku êdî ne rast e ku Recep Tayîp Erdogan welêt bi rê ve bibe û axaftina xwe bi vî awayî berdewam kir:

“2 vebijêrk li pêşiya gel hene. Ev referandum e. Tiştekî din nîn e. Tercîh, di destê welatiyên me de ye. Lê ez wekî kesekî ku bi Birêz Erdogan re bi salan xebitîme, wekî kesekî ku dîtiye şêwaza rêveberiyê di wê başiyê de çawa ye, heyam çawa guherî û paşê çawa tîmê xwe guhert, ez rast nabînim ku ew (Erdogan) êdî rêvebirina welêt bidomîne."

Babacan li ser peymana ku duh di navbera Kiliçdaroglu û Ozdag de hat destnîşankirin jî axivî û got,

"Neyet, lihevhatî ye. Min di nav 24 saetan de bi Birêz Kiliçdaroglu re 3 caran pêwendiya telefonê danî û vîneke wî ya xurt hebû ku protokol bi metna polîtîkayên hevpar re ne lihevhatî ye. Dibe ku di teşe û plansaziyê de hûrgulî hebin. Lê divê mirov bi hûrgiliyan ve jî neartile.”