Banga Partiya DEMê ji bo li sê bajaran bicivin

PeyamaKurd – Berdevka Partiya Wekhevî û Demokrasiyê (DEM) Ayşegul Dogan, der barê biryarên dadgehê yên li ser Doza Kobanî de civîneke çapemeniyê li dar xist.

Dogan da zanîn ku biryarên di dozê de hatine girtin siyasî ne û ew ê van biryaran nas nekin û got, "Nenaskirina wan bi têkoşînê pêkan e." Dogan da zanîn ku ew ê sibê li Edene, Stenbol û Diyarbekirê civîneke gel li dar bixin û got ku wan her kesên ji bo azadî û wekheviyê têdikoşin vexwendin. Dogan got, "Ev hevdîtin wê bidomin. Ji bo me ev doz girêka nû ya têkoşînê ye."

Ayşegul Dogan biryarên ku di Civîna Lijneya Rêveberiya Navendî ya ku piştî biryarên di Doza Kobanî de hatin girtin de eşkere kir.

Dogan li Navenda Giştî ya partiya xwe axivî û diyar kir ku ev bûyera tolhildan û dubarekirinê ye û daxuyaniyên ku wan weke partî di derbarê Doza Kobanî de ji destpêka dozê ve dane, di raya giştî de cih negirtine.

Dogan da zanîn ku ti wekheviya biryarên dadgehê nîne û got, "Di rewşeke wiha de em dikarin behsa kîjan nermbûn û asayîbûnê bikin." Dogan anî ziman ku heta dadgehên ku hatine talîmatkirin jî nikarin têkiliya di navbera kesên ku di xwepêşandanên Kobaniyê de jiyana xwe ji dest dane û kesên ku di dozê de hatine darizandin de çêbikin.

Ayşegul Dogan diyar kir ku postên ku piştî biryaran ji aliyê desthilatdariyê ve hatin dayîn jî nîşaneya wê yekê ye ku doz bi mebestên siyasî berdewam dike.