Berpirsê SOHRê: Rapirsîyek çêbibe wê Durzî û Elewî HSDê hilbijêrin

PeyamaKurd- Rêveberê Çavdêriya Mafên Mirovan a Sûriyeyê (SOHR) Ramî Ebdulrehman di hevpeyvînekê de got: "Eger niha rapirsiyek bê kirin piraniya Durzî û Elewiyan dê Hêzên Sûriyeya Demokratîk (HSD) hilbijêrin.”

Ramî Ebdulrehman ji televîzyona Meşhedê re axivî û diyar kir, "Hemû pêkhateyên bakur û rojhilatê Sûriyeyê di nav Hêzên Sûriyeya Demokratîk de hene” û got: “Lê Elewiyên peravê ji ku derê hatine ku di nav refên HSDê de bên leşkerkirin? Heta ku di nav Artêşa Erebî ya Sûriyeyê de Turkistanî, Ozbek, Tacîk, ên ji welatên Kendavê û yên ji Bakurê Afrîkayê hebin çi astengî heye ku Elewî û Durzî tevlî HSDê bibin? Hinek hene dixwazin bibêjin ku Kurd, Elewî û Durzî li wê deverê bûne hêzek ji bo kêmaniyan.”

Ebdulrehman diyar kir ku artêşa Sûriyeyê ji hemû pêkhateyan pêk nayê û wiha pê de çû: “Ne asayî ye ku artêşeke niştimanî were avakirin ku pişta xwe bi beşek ji gelê Sûriyeyê ve girê bide û paşê em jê re bibêjin artêşa niştimanî. Li El Bûkemalê fermandarên berê yên DAIŞê niha endamên Asayişa Giştî ne û herwiha li Meyadînê jî wisa ye. Pêdiviya HSDê bi hezaran heye lê çima pêdiviya wê bi hezaran Elewî, Durzî û yên din heye û çima zêdetir girîngî bi Elewî û Durziyan tê dayîn û em girîngiyê nadin Erebên Sunî yên ku li gel HSDê ne? Li Dêrezorê şervanên di nav milîsên Îranî de hene ku niha di refên Asayişa Giştî de ne."