Berpirsê SOHRê: Divê Efrîniyên nasnameyên Ewropî standine dozê li Erdogan vekin

PeyamaKurd – Berpirsê Giştî yê Çavdêriya Sûrî ya Mafê Mirovan (SOHR) Ramî Ebd-Rehman bal kişand ser dagirkerî û binpêkirinên li Efrînê rû didin û got, divê Efrîniyên ku nasnameyên Ewropayê wergirtine li dadgehan yekser dozê li dijî Erdogan û artêşa Tirkiyê vekin.

Ramî Ebd-Rehman ji televizyona El-Erebiyê re axiviye û daye xuyakirin, li Ewropayê bi deh hezaran Efrînîyên ku nasnameyên hemwelatîbûna welatên Ewropayê wergirtine hene, divê yekser li dijî Serokomarê Tirkiyê Recep Tayyip Erdogan Erdogan û artêşa Tirkiyê, dozê li dadgehan vekin.

Ebd-Rehman diyar kir ku çekdar mal û milkê Efrîniyan talan dikin, herî dawî li navçeya Reco gelek malên wan hatin dizîn.

Berpirsê SOHRê destnîşan kir ku Erdogan yakemîn kes e ku dest bi guhartina demografiya Efrînê kir.

Ramî Ebdrehman anî ziman ku hin rêxistinên mirovî di nav de çavdêriya Sûrî, tawanên dewleta Tirkiyê yên li dijî Efrîniyan pêk tînin, belge dikin.