Bersiva Amerîkayê ya derbarê daxuyaniya Hakan Fîdan ya derbarê ‘YPG’ û ‘PKK’ê de

PeyamaKurd – Alîkarê Berdevkê Wezareta Karên Derva yê Amerîkayê Vedant Patel derbarê daxuyaniyên Wezîrê Karên Derve yê Tirkiyê Hakan Fîdan ên piştî êrîşa Enqereyê de axivî û got: "Amerîka ji zêdebûna rageşiya leşkerî ya li bakurê Sûriyeyê nîgeran e" û got ku "Bingeha siyaseta me ya li herêmê ji bo kêmkirina tansiyonê ye."

Vedant Patel di brîfînga çapemeniyê ya heftane de pirsên rojnamevanan bersivand û li ser pirsa derbarê daxuyaniyên Fermandarê Giştî yê Hêzên Sûriyeya Demokratîk (HSD) Mazlûm Ebdî ya li ser sînyala operasyona li dijî Rojava ya piştî êrîşa Enqereyê ya rayedarên Tirk, wiha bersiv da:

“Haya me ji tehdîda ewlekariya rewa ya PKKê ya li ser Tirkiyê heye. Amerîka jî ji zêdebûna rageşiya leşkerî li bakurê Sûriyê nîgeran e. Bi taybetî em nîgeran in li ser bandora li ser xelkê sivîl û bandora wê li ser hewldanên berdewam ên têkbirina DAIŞê.

Em ji bo kêmkirina rageşiyê û parastina agirbestan wek hîmên sereke yên siyaseta xwe ya li herêmê diparêzin û bi Tirkiyeyê re jî hemahengiyê diparêzin. Em wisa difikirin ku divê Tirkiye jî bi awayekî ku piştgiriya serweriya Iraqê bike û rêzê li serweriya Iraqê bigire, tevgerên xwe bi Iraqê re hemaheng bike.”

Herwiha Patel derbarê daxuyaniya rojnamevanekî din de jî ku dibêje, dewleta Tirk PKK û YPG'ê weke hev dibîne û Amerîkayê jî piştgirî dide YPGê jî, Patel got, "Rewş ev e. Ez ne ji bo guhertina polîtîkaya Amerîkayê ya demdirêj hatime vir. Ez dibêjim. Dîsa me bi zelalî behsa PKKê kir." "Me ew wek FTO destnîşan kirin. Em di vê mijarê de li cem hevalbendên xwe yên Tirk in. Di derbarê îdiaya ku we behsa eslê xwe Sûrîyeyî kir de jî tiştekî ku ez ji we re bêjim tine. vê pirsgirêkê," wî bersiv da.

Derbarê nêrîna Tirkiyê ya li hember PKK û YPGê weke gefekê jî, berdevkê Amerîkayê wiha got, "Em bi ewlekarî û metirsiya rewa ya PKKê li ser Tirkiyê dizanin. Li ser îdiaya taybet ku wan xwestiye em li kêleka wan in."