Cewad Zerîf gihîst paytexta Kurdistanê Hewlêrê

PeyamaKurd - Wezîrê Derve yê Îranê, Mihemed Cewad Zerîf piştî serdana xwe ya Bexdayê îro danê êvarê gihîşt paytexta Herêma Kurdistanê Hewlêrê.

Cewad Zerîf îro beriya serdana xwe ya Kurdistanê, li Bexdayê bi Serokomarê Iraqê Berhem Salih, Serokwezîr Mistefa Kazimî, Wezîrê Derve Fuad Husên û Serokê Parlamentoya Iraqê Mihemed Helbûsî re civiyabû

Biryar e Zerîfa di serdana xwe ya çaremîn a bo Herêma Kurdistanê de, bi Serokê Herêma Kurdistanê Nêçîrvan Barzanî û Serokê Hikumeta Herêma Kurdistanê Mesrûr Barzanî re bicive.

Wezîrê Îranî li balafirgeha navdewletî ya Hewlêrê, ji aliyê cîgirê serokê Herêma Kurdistanê Ceifer Mistefa û Berpirsê Fermangeha Peywendîyên derve ya Herêma Kurdistanê Sefîn Dizayî û serkonsulê Komara Îslamî ya Îranê li Hewlêr-Silêmanîyê ve hat pêşwazîkirin.