Dadgeha Îranê rojnamevana ku bi bavê Jîna re hevpeyvîn kiribû ceza kir

PeyamaKurd - Rojnamevan Nazîla Merufyan ku piştî kuştina Jîna Emînî bi bavê Jîna re hevpeyvîn kiribû û hatibû girtin, bêyî dadgehkirinê hat mehkûmkirin.

Nazîla 30ê Mijdara 2022yan ji aliyê hêzên Îranê ve hatibû binçavkirin û hat zanîn ku dadgehê bêyî darizandê bike 2 sal ceza li rojnamevan Nazîla biriye.

Herwiha dadgehê ji bilî cezayê girtîgehê, cezayê 15 milyon tumenê Îranê jî lê biriye û qedexeya derketina derve ji bo 5 salan li ser sepandiye.

Nazîla Merufyan xelkê bajarê Seqizê yê Rojhilatê Kurdistanê ye.