DAISê berpirsiyariya teqînên Bexdayê girt ser xwe

PeyamaKurd – Rêxistina terorîst DAIŞê, bi daxuyaniyekê berpirsyariya teqînên Bexdayê girt ser xwe. Di encama wan teqînan de, 32 kesan can dan û zêdetirî 100 kes jî birîndar bûn.

Rêxistina terorîst DAIŞê bi daxuyaniyekê de diyar dike, çekdarên wan ên bi navê Ebû Yûsif Ensarî bi kembereke bombekirî, xwe li qada Teyeran teqandiye û teqîna duyem jî kesekî din ê bi navê Mihemed Arif El Muhacir li heman cihê teqîna yekem encam daye.

Piştî teqînên li Bexdayê, li ser asta navxwe û navdewletî karvedanên mezin hatin. Li Herêma Kurdistanê li asta payebilind, teqîn hatin şermezarkirin û Serokwezîrê Herêma Kurdistanê deriyên nexweşxaneyan li ber birîndarên wê kiryara terorîstî vekirin.

Herwiha, şevê din Serokwezîrê Iraqê Mistefa Kazimî çend biryar derxistin û çend rayedar û fermandarên payebilind ên ewlehiyê, ji postên wan dûr xistin.