Daxuyaniya Demirtas: Çima dixwaze bi Ocalan re hevdîtinê bike?

PeyamaKurd – Selahattîn Demîrtaş li ser daxwaza hevdîtina bi Abdullah Ocalan re bi rêya SEGBÎSê ku ji bo wê serî li Wezareta Dadê ya Tirkiyeyê dabû daxuyanî da.

Demîrtaş di daxuyaniya xwe de got, "Ji Esad heta Sîsî, ji Siûdî heta Îmarat û Îsraîl bi her kesî re hevdîtin û aştiyê destûr e. Dema mijar dibe Kurd, ferzkirina bijardeya çekan û operasyonan siyaseteke nerazî ye.”

‘Ez daxwaza hevdîtina bi Ocalan re dikim’

Demîrtaş da zanîn, wan weke siyasetmedar ji bo pêşî li pevçûnan bigirin dest bi înîsiyatîfê kirine û diyar kir, li Îmraliyê ne wî û ne jî rêveberiya HDPê ti têkilî, têkilî û hevdîtin pêk neanîne.

Demîrtaş di serlêdana xwe de diyar kir ku tecrîda li ser Ocalan pêkanîneke nehiqûqî ye û divê bi dawî bibe û got, "Ji bo dawî li polîtîkayên li Girtîgeha Îmraliyê bi awayekî mayînde were, ez dixwazim ji Girtîgeha Tîpa F ya Edîrneyê bi Abdullah Ocalan re hevdîtinê bikim. Ez li cihê ku lê me, bi rêya SEGBÎSê, weke parêzer û siyasetmedar daxwaz dikim ku bi malbat û parêzerên xwe re bi awayekî rêkûpêk hevdîtinê bike."

"Tu îşareteke biçûk jî nîne ku pêvajoya çareseriyê destpê bike"

Daxuyaniya Demîrtaş a li ser mijarê wiha ye:

“Îro di saet 13.30an de min ji bo hevdîtina bi Ocalan re daxwaznameyek pêşkêşî Wezareta Dadê kir.

Li Îmraliyê ne min û ne jî rêveberiya HDPê ti têkilî, têkilî û hevdîtin pêk neanîn. Îşaret û agahiyeke herî biçûk jî nîne ku pêvajoyeke çareseriyê ya nû destpê bike. Lê belê em naxwazin li hember zêdebûna alozî û pevçûnên ku her roj diêşînin û jiyana xwe ji dest didin, rûnin û êş û sersaxiyên xwe parve bikin. Em weke siyasetmedar ji bo pêşî li pevçûnan bigrin, em van serlêdanan dikin ku pêşengiyê bikin.

"Bi wan re aşitî çêdibe, lê ji bo Kurdan..."

Ji Esad heta Sîsî, ji Siûdî heta Îmarat û Îsraîl bi her kesî re hevdîtin û aşitiyê rewa ye, lê em dema ku mijar dibe Kurd, ferzkirina kembera terorê û tenê çek û vebijarkên operasyonê, ji bo Tirkiyê weke polîtîkayeke gelekî nerazî dibînin.

Mînak Akşener û Perînçek ji bo ewlekarî û aştiya Tirkiyê gotibûn, bila hikûmet me tayîn bike, em ê biçin bi Esed re hevdîtinê bikin. Ji ber heman sedeman em dixwazin li Îmraliyê bi Ocalan re hevdîtinê bikin. Rewş tenê ew e. Ez bawer im û hêvî dikim ku ew ê di nav gel de bi nîyetek pir baş piştgirîyek berfireh bibîne.

Bi hêviya hevdîtina di rojên azad de, silav û rêz...