Daxuyaniya NATOyê ya derbarê têkiliyên Tirkiye û BRICSê de!

PeyamaKurd – Sekreterê Giştî yê NATOyê Mark Rutte di daxuyaniya xwe  de ya di civîna çapemeniyê de ku di serdana wî ya Estonyayê de hat lidarxistin têkiliyên Tirkiyeyê yên bi BRICSê re nirxand.

Rutte diyar kir ku mafê Tirkiyeyê ye ku bi welatên BRICSê re hevkariyê bike û ev rewş bi endamtiya Tirkiyeyê ya NATOyê re ne nakok e, dema ku rojnamevanan pirsa gelo "NATO ji pêşxistina hevkariya Tirkiyeyê ya bi BRICSê re bi fikar e yan na?" ev bersiv da.

“Em di NATOyê de ji 32 welatên demokrasiyê pêk tên. Bê guman, dê her tim li ser vê an tiştekî din nîqaş bêne kirin. Lê em dizanin ku Tirkiye bi hevkarên xwe an jî bi hevkarên BRICSê re dixebite, mafê wan heye ku bikin.”

Di berdewamiya daxuyaniya xwe de Rutte destnîşan kir ku hewldana Tirkiyeyê ya ji bo başkirina têkiliyên wê yên bi BRICSê re dibe ku di nav welatên NATOyê de nîqaşan çêke û diyar kir ku ev rewş dê girîngiya Enqere û hevpeymaniyê ji bo hev neguherîne.

Rutte bersiva pirsê da û got: "Tirkiye her tim beşek ji NATOyê ye û dê bibe, ez bi vê yekê piştrast im. NATO li Tirkiyeyê pir populer e û Tirkiye jî di NATOyê de pir populer e. Ji ber vê yekê divê em teqez bikin ku em berjewendiya hev zêde bikin û bibin hevalbendê hev. Em bi hebûna wan pir kêfxweş in."