Ji Bogdanov daxuyaniya asayîkirina têkiliyên Tirkiye û Sûriyê: Me li hev kiriye…

PeyamaKurd - Nûnerê Taybet ê Serokê Rûsyayê bo Rojhilata Navîn Mîkhaîl Begdanov derbarê proseya asayîkirina pêwendiyên Tirkiye û Sûriyê de, daxuyanî da û got, wan li ser rêzgirtina serweriya welatan li hev kiriye.

Bogdanov diyar kir ku asayîkirina pêwendiyên Tirkiye û Sûriyeyê, beşeke girîng a xebatên wan e li Sûriyeyê û da zanîn, “Me li ser asta wezîrên derve û berevaniyê gelek civîn û gotûbêjên kêrhatî pêk anîn.”

Herwiha Bogdanov got: “Hêviya me ya karkirina li ser asayîkirana pêwendiyan heye. Em di baweriyê de ne ku dê bandora wê hebe û di berjewendiya her du welatan de be.”

Nûnerê Taybet ê Serokê Rûsyayê destnîşan kir: “Pêwendiyên me yên bihêz û dostane li gel her du welatan hene. Herwiha me li hev kiriye ku rêz li serweriya welatan bê girtin.”