Deriyê Sînorî yê Zêtê ji hatin-çûnê re hat ragirtin

PeyamaKurd - Qaymeqamê navçeya Mêrgesorê ya Hewlêrê Xefûr Ehmed ragihand ku îro çûnûhatina geştiyaran a di Deriyê Sînorî yê Zêtê re hatiye girtin û sibe careke din dê dest pê bike.

Qaymeqamê Mêrgesorê Xefûr Ehmed diyar kir ku ragirtina çûnûhatinê ji ber kar û xebatên li aliyê Bakurê Kurdistanê ye.

Deriyê Sînorî yê Zêtê di 10ê Gulanê de, di navbera Herêma Kurdistanê û Bakurê Kurdistanê de hat vekirin.

Dema derî hat vekirin, tenê bi karavanan hate çêkirin û li aliyê Herêma Kurdistanê dest bi avakirina kampa nû hatiye kirin.

Qaymeqamê Mêrgesorê Xefûr Ehmed got, “Kar nade sekinandin, em dê karê xwe bikin û ji bo ku çûnûhatin raneweste tiştekî guncav dayînin.”

Deriyê Sînorî yê Zêtê yê di navbera Herêma Kurdistanê û Bakurê Kurdistanê de li navçeya Mêrgesorê ye û parêzgehên Hewlêr û Colemêrgê bi hev re girê dide.