Di encama wergêra otobusekî li bajarê Qersê, 23 kes birîndar bûn

PeyamaKurd – Li bajarê Qersê otobusa ku li ser rêya Qers-Erzeromê diçû, ji ber rê ji berfê şematek bû, li nêzî navça Selîmê, ji desthilata ajotvan derket û qelibî kenarê rê.

Ji ber 23 kes birîndar bûn, gelek tîmên tenduristiyê, tîmên rizgarkirin û lêgerînê, îtfaiye, cendirme û polîs çûn ciyê bûyerê. Birîndaran bi ambûlansan birin nexweşxana dewletê ya bi navê Kars Harakani û nexweşxana zankoya Kafkas ya lêkolînê û perwerdê ya bajarê Qersê.

Parêzgerê bajarê Qersê Ziya Polat seredana birîndaran kir û got:

“30 rêwî di otobusêde hebûn. Ji Xwedê re şukir mirî tinene. Her 23 sewqê nexweşxanan kirin. Li gor agahiyên me yen dawiyê; rewşa 15 kesan zer û 8 heb jî kodên wan kesk hene. Xwedê şîfayê bide wan.”